Ég hef verið kennari í 30 ár

Hegðunarvandi barna og úrræðaeysi stjórnenda skólanna er komið á það stig að það er stundum þannig að við kennarar búum við hreint andlegt ofbeldi í skólanum. Hver vill vinna við svona umhverfi ? Ég held að það skipti engu máli hve há launin eru en vinnuumhverfið er svona fjandsamlegt.

Þarna gildi hið margkveðna: "Eftir höfðinu dansa limirnir"

Foreldrarnir eru ekki við stjórnvölin. Það eru blessuð börnin sem stjórna.

Stjórnendur í skólum segjast ekkert geta gert því það eru lög hér og lög þar. Einu lögin sem virðast vanta alveg eru: að kennarar hafi mannsæmandi vinnuaðstæður þar sem komið er fram við þá af virðingu sem manneskjur.

Aukinn hegðunarvandi í skólum

Athugasemdir

[Hörður Einarsson, 11.12.2017 kl. 13:23]

Vísa þessum erviðu úr skóla öðrum til viðvörunnar.

[Davíð12 (IP-tala skráð) 11.12.2017 kl. 13:28]

Ég man að fyrir rúmlega 4o árum síðan, þegar ég var í fyrsta bekk gagnfræðaskóla, að okkur tókst í einu fagi að láta tvo nýja kennara hætta alveg kennslu og sá þriðji endaði á kleppi. Vandamálið er ekki nýtt. Virðingu öðlast enginn með lögboði, hún er áunnin og takist það ekki þá eru krakkar ekkert að leyna því og láta kennarana miskunarlaust finna fyrir því.

[Margret Haraldsdóttir (IP-tala skráð) 11.12.2017 kl. 15:55]

Engum er vísað úr skóla lengur. Það er mikill munur á skólahaldi núna og fyrir 40 árum. Ég veit ekki í hvað skóla þú Davíð varst. En ef nemendur komast upp með svona hegðun, voða sniðugt ! Þá er eitthvað rosalega mikið að einhverstaðar ekki satt? Mér finnst mikill hroki í svari þínu sem einkennir einmitt viðhorf til skólafólks. Við kennarar nú til dags erum mjög vel menntað, velmeinandi og oftar en ekki með mikla reynslu. Annars værum við ekki í þessu starfi, en til er fólk (börn og foreldrar) sem bera bara alls enga virðingu fyrir nokkrum sköpuðum hlut.